புஜங்காசனம்

 குப்புறப்படுத்த நிலையில் செய்யும் ஆசனங்கள்

 புஜங்காசனம் 

செயல்முறை

1. கவிழ்ந்து படுத்த நிலையில் - கால்கள் சேர்ந்து இருக்க வேண்டும்.
2. கைகளை மடக்கி உள்ளங்கைகளை மார்புக்கு அருகில் இருபுறத்திலும் வைத்துக் கொள்ளவும். 
3. மூச்சை இழுத்துக்கொண்டே தலை, கழுத்து, மார்புப் பகுதியை தொப்புள் வரை மேலே உயர்த்தி பின் நோக்கி வளைக்க வேண்டும். அடி வயிறு தரையில் பதிந்து இருக்க வேண்டும்.
4. மூச்சை வெளியே விட்டு ஐந்து இயல்பான மூச்சு நேரம் இருந்து ஆரம்ப நிலைக்குத் திரும்ப வேண்டும்.

நன்மைகள் 

1. முதுகு எலும்பை பின்நோக்கி வளைப்பதால் கூன் ஏற்படாமல் தடுக்கிறது. 
2. முதுகு வலி நீங்குகிறது. 
3. நுரையீரல் மார்பு பகுதிகளின் பலவீனத்தைப் போக்குகிறது.