சலபாசனம்

 சலபாசனம்

செயல்முறை

1. கவிழ்ந்து படுத்துக் கொள்ள வேண்டும்.
2. தாடையை தரையில் படும்படி வைத்து இரண்டு கைகளையும் உடம்போடு ஒட்டி தரையில் வைத்துக் கொள்ளவும். 
3. பெருவிரலை உள்வைத்து விரல்களை மடக்கி, ஆதி முத்திரையில் கைகளை தொடைக்கு அடியில் வைத்து மூச்சை இழுத்துக்கொண்டே முழங்கால்கள் மடங்காமல் இரு கால்களையும் முடிந்தவரை மேலே உயர்த்தவும். 
4. மூச்சை அடக்கி அந்த நிலையில் சிறிது நேரம் இருக்கவும். பிறகு மூச்சை விட்டபடி முதல் நிலைக்கு வரவும்.

நன்மைகள் 

1. கல்லீரல், கணையம், சிறுநீர்ப்பை போன்ற உறுப்புகள் வலிமை அடைகின்றன. சிறுநீரகம் நன்கு செயல்படுகிறது. 
2. இடுப்புத் தசைகள் வலுவடைகின்றன. தொந்தி குறைகிறது. 

குறிப்பு

1. கர்ப்பமான பெண்கள், இதய நோய், இரத்த அழுத்தம் உள்ளவர்கள், வயிற்றில் அறுவை சிகிச்சை  செய்தவர்கள் இதைச் செய்யக் கூடாது.